- 專輯介紹
- 歌詞
- 專輯列表
海島青年實驗室
-
若是講你想欲飛(李崇銘 & 吳栯禔)
作詞:李崇銘 作曲:李崇銘
我知影 你時常對外口看 看日頭追著山 看自由的鳥仔
你會當 慢慢仔行 有一工你嘛會 成為一個自由的人
我知影 你上愛唱歌 我嘛知影 歌聲內面有你夢的聲
你會當 就唱予我聽 我會永遠坐佇遮 佮你做夥暝夢 這是愛你的我 上自私的想法
若是講你想欲飛 敢會當共我寫一張批 共我講你佇佗 我上袂曉耍覕相揣
若是講你想欲飛
我知影 一人一款命 慢慢仔嘛瞭解 你的翼仔佮我無仝
你會當 就留佇遮 佇我的翼仔下跤 免驚風吹日曝 這是疼你的我 袂當成真的願望
想欲陪你一世人 我上疼惜的囡仔 看你一工一工的大 想著你欲離開 我有淡薄仔驚惶
若是講你想欲飛 敢會當聽我講我的少年 有目屎 有怨慼 請你莫佮我仝款後悔
若是講你想欲飛
若是講你感覺生活歹過 你會當轉來歇睏一下 毋免驚歹勢 有我的所在就會是你的家
若是講你想欲飛 若是講你想欲飛
你敢會當 原諒我 毋甘放你四界行 將你囥底鳥籠仔 是頇顢的我 想著上好的辦法
-------------------------------------------
14103/《若是講你想欲飛》Nā-sī-kong Lí Siūnn-beh Pue 海島青年實驗室樂團Hái-tó Tshing-liân Si̍t-giām-sik Ga̍k-thuân 李崇銘Lí Tsông-bîng 吳栯禔Ngôo Iú-tê ------------------------------------------ 我知影 guá tsai-iánn 你時常對外口看 lí sî-siông tuì guā-kháu khuànn 看日頭追著山 khuànn ji̍t-thâu tui tio̍h suann 看自由的鳥仔 khuànn tsū-iû ê tsiáu-á 你會當 lí ē-tàng 慢慢仔行 bān-bān-á kiânn 有一工你嘛會 ū tsi̍t-kang lí mā ē 成為一个自由的人 sîng-uî tsi̍t-ê tsū-iû ê lâng 我知影 guá tsai-iánn 你上愛唱歌 lí siōng ài tshiùnn-kua 我嘛知影 guá mā tsai-iánn 歌聲內面 kua-siann lāi-bīn 有你夢的聲 ū lí bāng ê siann 你會當 lí ē-tàng 就唱予我聽 tiō tshiùnn hōo guá thiann 我會永遠坐佇遮 guá ē íng-uán tsē tī tsia 更多更詳盡歌詞 在 ※ Mojim.com 魔鏡歌詞網 佮你做伙眠夢 kah lí tsò-hué bîn-bāng 這是愛你的我 tse sī ài lí ê guá 上自私的想法 siōng tsū-su ê siūnn-huat 若是講 nā-sī-kóng 你想欲飛 lí siūnn-beh pue 敢會當 kám ē-tàng 共我寫一張批 kā guá siá tsi̍t-tiunn phue 共我講你佇佗 kā guá kóng lí tī tueh 我上袂曉耍覕相揣 guá siōng bē-hiáu sńg bih-sio-tshuē 若是講 nā-sī-kóng 你想欲飛 lí siūnn-beh pue 我知影 guá tsai-iánn 一人一款命 tsi̍t-lâng tsi̍t-khuán miā 慢慢仔嘛了解 bān-bān-á mā liáu-kái 你的翼仔 lí ê si̍t-á 佮我無仝 kah guá bô-kāng 你會當就留佇遮 lí ē-tàng tiō lâu tī tsia 佇我的翼仔下跤 tī guá ê si̍t-á ē-kha 免驚風吹日曝 bián-kiann hong tshue ji̍t pha̍k 這是疼你的我 tse sī thiànn lí ê guá 袂當成真的願望 bē-tàng sîng tsin ê guān-bāng 想欲陪你一世人 siūnn-beh puê lí tsi̍t-sì-lâng 我上疼惜的囡仔 guá siōng thiànn-sioh ê gín-á 看你一工一工咧大 khuànn lí tsi̍t-kang-tsi̍t-kang leh tuā 想著你欲離開 siūnn-tio̍h lí beh lī-khui 我有淡薄仔驚惶 guá ū tām-po̍h-á kiann-hiânn 若是講 nā-sī-kóng 你想欲飛 lí siūnn-beh pue 敢會當 kám ē-tàng 聽我講我的少年 thiann guá kóng guá ê siàu-liân 有目屎 ū ba̍k-sái 有怨慼 ū uàn-tsheh 請你莫佮我仝款後悔 tshiánn lí mài kah guá kāng-khuán hiō-hué 若是講 nā-sī-kóng 你想欲飛 lí siūnn-beh pue 若是講 nā-sī-kóng 你感覺生活歹過 lí kám-kak sing-ua̍h pháinn-kuè 你會當 lí ē-tàng 轉來歇睏一下 tńg-lâi hioh-khùn--tsi̍t-ē 毋免驚歹勢 m̄-bián kiann pháinn-sè 有我的所在 ū guá ê sóo-tsāi 就會是你的家 tiō ē sī lí ê ke 若是講 nā-sī-kóng 你想欲飛 lí siūnn-beh pue 若是講 nā-sī-kóng 你想欲飛 lí siūnn-beh pue 你敢會當原諒我 lí kám ē-tàng guân-liōng guá 毋甘放你四界行 m̄-kam pàng lí sì-kè kiânn 將你囥佇鳥籠仔 tsiong lí khǹg tī tsiáu-láng-á 是頇顢的我 sī han-bān ê guá 想著上好的辦法 siūnn-tio̍h siōng-hó ê pān-huat
-
|