- 專輯介紹
- 歌詞
- 專輯列表
楊肅浩
-
阮得青春 你的汗
作詞:楊肅浩 作曲:楊肅浩 編曲:羅大惟
月娘照窗外 隨就起床來煮食 柴米油鹽 是你的心情 摻著青春慢慢仔寫
稻埕的亭仔跤 鬢白的頭鬃染孤影 青山綠水 嘛攏毋甘看 留予囡仔爬過山
講著彼年 親像一條歌 有隔壁莊頭 來講親情 一隻梳妝檯 當做嫁妝啦 規工望啊望 彼領舊被單
才知影 阮的青春是你的汗 艱苦的路程 攏總囥心肝 你的胭脂是一片紅厝瓦 疊著誰的孤單佮驚惶
才知影 阮的青春是你的汗 退色的相片 攏總幾大疊 細漢的時 你共阮金金看 叫阮毋免驚 疼佇心肝惜命命
散赤抑好額 花開花謝攏是命 你講人生 著愛斟酌行 毋通放予風吹拍斷線
所以阮來寫著這條歌 有你晟阮的雙手來做伴 心肝毋通疼 大雨也著行 心內彼個形影猶佇遮
才知影 阮的青春是你的汗 教阮烏陰 著愛紮雨幔 阮是飛踮城市的鳥隻 想著你的聲 心就袂畏寒
才知影 阮的青春是你的汗 囡仔的聲 你總是恬恬聽 講起牽掛 一世人講袂煞 無論鹹酸苦汫 一暝月光透心情
你的青春是阮的紅厝瓦 番薯毋驚落土爛 只求枝葉代代湠
------------------------------------------
11188/《阮的青春你的汗》Gún ê Tshing-tshun Lí ê Kuānn 楊肅浩Iûnn Siok-hō
月娘照窗外 gue̍h-niû tsiò thang-guā 隨就起床來煮食 suî tiō khí-tshn̂g lâi tsú-tsia̍h 柴米油鹽 tshâ bí iû iâm 是你的心情 sī lí ê sim-tsiânn 摻著青春 tsham tio̍h tshing-tshun 慢慢仔寫 bān-bān-á siá 稻埕的亭仔跤 tiū-tiânn ê tîng-á-kha 鬢白的頭鬃 pìn-pe̍h ê thâu-tsang 染孤影 jiám koo-iánn 青山綠水 tshing-san li̍k-suí 嘛攏毋甘看 mā lóng m̄-kam khuànn 留予囡仔爬過山 lâu hōo gín-á pê kuè suann
講著彼年 kóng-tio̍h hit-nî 親像一條歌 tshin-tshiūnn tsi̍t-tiâu kua 有隔壁庄頭 ū keh-piah tsng-thâu 來講親情 lâi kóng-tshin-tsiânn 一隻梳妝檯 tsi̍t-tsiah se-tsng-tâi 當做嫁粧啦 tòng-tsuè kè-tsng--lah 規工望啊望 kui-kang bāng--ah bāng 彼領舊被單 hit niá kū phuē-tuann
才知影 tsiah tsai-iánn 阮的青春 gún ê tshing-tshun 是你的汗 sī lí ê kuānn 艱苦的路程 kan-khóo ê lōo-tîng 攏總囥心肝 lóng-tsóng khǹg sim-kuann 更多更詳盡歌詞 在 ※ Mojim.com 魔鏡歌詞網 你的胭脂 lí ê ian-tsi 是一片紅厝瓦 sī it-phiàn âng tshù-hiā 疊著誰的孤單 tha̍h tio̍h siáng ê koo-tuann 佮驚惶 kah kiann-hiânn
才知影 tsiah tsai-iánn 阮的青春 gún ê tshing-tshun 是你的汗 sī lí ê kuānn 退色的相片 thè-sik ê siòng-phìnn 攏總幾大疊 lóng-tsóng kuí tuā-tha̍h 細漢的時 sè-hàn ê sî 你共阮金金看 lí kā gún kim-kim-khuànn 叫阮毋免驚 kiò gún m̄-bián kiann 疼佇心肝 thiànn tī sim-kuann 惜命命 sioh-miā-miā
散赤抑好額 sàn-tshiah ia̍h hó-gia̍h 花開花謝攏是命 hue khui hue siā lóng-sī miā 你講人生 lí kóng jîn-sing 著愛斟酌行 tio̍h-ài tsim-tsiok kiânn 毋通放予風吹 m̄-thang pàng hōo hong-tshue 拍斷線 phah-tn̄g suànn
所以阮來寫著 sóo-í gún lâi siá tio̍h 這條歌 tsit tiâu kua 有你晟阮的雙手 ū lí tshiânn gún ê siang-tshiú 來做伴 lâi tsò-phuānn 心肝毋通疼 sim-kuann m̄-thang thiànn 大雨也著行 tuā-hōo iā tio̍h kiânn 心內彼个形影 sim-lāi hit ê hîng-iánn 猶佇遮 iáu tī tsia
才知影 tsiah tsai-iánn 阮的青春 gún ê tshing-tshun 是你的汗 sī lí ê kuānn 教阮烏陰 kà gún oo-im 著愛紮雨幔 tio̍h-ài tsah hōo-mua 阮是飛踮城市的鳥隻 gún sī pue tiàm siânn-tshī ê tsiáu-tsiah 想著你的聲 siūnn-tio̍h lí ê siann 心就袂畏寒 sim tiō buē uì-kuânn
才知影 tsiah tsai-iánn 阮的青春 gún ê tshing-tshun 是你的汗 sī lí ê kuānn 囡仔的聲 gín-á ê siann 你總是恬恬聽 lí tsóng-sī tiām-tiām thiann 講起牽掛 kóng-khí khian-kuà 一世人講袂煞 tsi̍t-sì-lâng kóng buē-suah 無論鹹酸苦汫 bô-lūn kiâm-sng khóo-tsiánn 一暝月光透心情 tsi̍t-mî gue̍h-kng thàu sim-tsiânn
你的青春 lí ê tshing-tshun 是阮的紅厝瓦 sī gún ê âng tshù-hiā 番薯毋驚落塗爛 han-tsî m̄-kiann lo̍h-thôo nuā 只求枝葉代代湠 tsí kiû ki-hio̍h tāi-tāi thuànn
- 感謝 W.B. Chen 修正歌詞
- 友站連結: W.B. Chen
|