- 歌詞
- 專輯列表
倖妏
-
採花蜂
作詞:吳世勳 作曲:吳世勳
薄情郎親像一隻採花蜂 一欉採了又一欉 春天的花蕊 處處香 無疑遇著無良心的歹毒虫 甜言甲蜜語 乎人心茫茫 編織快樂幸福的美夢 夢醒一場空 春花不再紅 耽誤了一世人 看起來親像一個斯文人 奈何風流興花欉 奸詐的思想 心內藏 外表老實甲伊交陪千不通 甜言甲蜜語 乎人心茫茫 編織快樂幸福的美夢 夢醒一場空 春花不再紅 耽誤了一世人
------------------------------------------
19127/《採花蜂》Tshái-hue-phang 倖妏Hīng-bûn
薄情郎親像 po̍k-tsîng-lông tshin-tshiūnn 一隻採花蜂 tsi̍t-tsiah tshái-hue-phang 一欉採了又一欉 tsi̍t-tsâng tshái liáu iū tsi̍t-tsâng 春天的花蕊 tshun-thinn ê hue-luí 處處芳 tshù-tshù phang 無疑拄著 bô-gî tú-tio̍h 無良心的歹毒蟲 bô-liông-sim ê pháinn to̍k-thâng
甜言佮蜜語 tinn-giân kah bi̍t-gí 更多更詳盡歌詞 在 ※ Mojim.com 魔鏡歌詞網 予人心茫茫 hōo-lâng sim bâng-bâng 編織快樂幸福的美夢 pian-tsit khuài-lo̍k hīng-hok ê bí-bāng 夢醒一場空 bāng-tshínn tsi̍t-tiûnn khang 春花不再紅 tshun-hue put-tsài âng 耽誤了一世人 tam-gōo liáu tsi̍t-sì-lâng
看起來 khuànn--khí-lâi 親像一个斯文人 tshin-tshiūnn tsi̍t-ê su-bûn-lâng 奈何風流興花欉 nāi-hô hong-liû hìng hue-tsâng 奸詐的思想心內藏 kan-tsà ê su-sióng sim-lāi tshàng 外表老實 guā-piáu láu-si̍t 佮伊交陪千毋通 kah i kau-puê tshian m̄-thang
甜言佮蜜語 tinn-giân kah bi̍t-gí 予人心茫茫 hōo-lâng sim bâng-bâng 編織快樂幸福的美夢 pian-tsit khuài-lo̍k hīng-hok ê bí-bāng 夢醒一場空 bāng-tshínn tsi̍t-tiûnn khang 春花不再紅 tshun-hue put-tsài âng 耽誤了一世人 tam-gōo liáu tsi̍t-sì-lâng
- 感謝 W.B. Chen 修正歌詞
- 友站連結: W.B. Chen
|