- 專輯介紹
- 歌詞
- 專輯列表
南面而歌
-
天燈
作詞:Marching Mettle麻糬饅頭 作曲:Marching Mettle麻糬饅頭
淡水海岸 看到你站在那 隨風搖擺 一個人 回去的路 找不到當初的腳步 看不清楚 你的飯碗 我還放在那 沒你的灶腳飯都不好吃 房間內 香味永遠不會散 也擱ㄟ當看到你的行影
阿 你總是講我 只知影吃 書都不再讀 阿 你總是講我 賣肖想這麼多 腳踏實地走
嗡嗡的聲 打進我的腦袋 我知影 是你來看我 想起那時候 又是那個春 永遠不會忘記你愛抽什麼菸
同款的天燈不同的心情 你寫的字是陣陣思念 同款的眠床做不同的夢 不要緊 夢中溝再會啦
同款的天燈不同的心情 你寫的字變成風中歌聲 同款的眠床做不同的夢 不要緊 夢中溝再會啦
-------------------------------------------
《天燈》Thinn-ting【南面而歌】 麻餈饅頭樂團 Muâ-tsî Báng-thô Ga̍k-thuân
淡水海岸 Tām-tsuí hái-huānn 看著你徛佇遐 khuànn tio̍h lí khiā tī hia 隨風搖擺 suî hong iâu-pái 一個人 tsi̍t-ê-lâng 轉去的路 tńg--khì ê lōo 揣無當初的跤步 tshuē-bô tong-tshoo ê kha-pōo 看無清楚 khuànn-bô tshing-tshóo 你的飯碗 lí ê pn̄g-uánn 我閣囥佇遐 guá koh khǹg tī hia 無你的灶跤 bô lí ê tsàu-kha 飯攏無好食 pn̄g lóng bô hó-tsia̍h 房間內 pâng-king lāi 芳味永遠袂散 phang-bī íng-uán bē suànn 猶閣會當看著你的形影 iáu-koh ē-tàng khuànn tio̍h lí ê hîng-iánn 更多更詳盡歌詞 在 ※ Mojim.com 魔鏡歌詞網
啊~你總是講我 ah~ lí tsóng-sī kóng guá 只知影食 tsí tsai-iánn tsia̍h 冊攏無咧讀 tsheh lóng bô leh tha̍k 啊~你總是講我 ah~ lí tsóng-sī kóng guá 莫數想遐濟 mài siàu-siūnn hiah tsē 跤踏實地行 kha ta̍h si̍t-tē kiânn
嗡嗡的聲 ong-ong ê siann 敲佇我的頭殼 khà tī guá ê thâu-khak 我知影 guá tsai-iánn 是你來看我 sī lí lâi khuànn--guá 想起彼當陣 siūnn-khí hit-tang-tsūn 閣是彼個春 koh sī hit ê tshun 永遠會記你愛食啥薰 íng-uán ē-kì lí ài tsia̍h siánn hun ---
仝款的天燈 kāng-khuán ê thinn-ting 無仝的心情 bô-kāng ê sim-tsiânn 你寫的字 lí siá ê jī 是陣陣思念 sī tsūn-tsūn su-liām 仝款的眠床 kāng-khuán ê bîn-tshn̂g 做無仝的夢 tsuè bô-kāng ê bāng 無要緊 bô-iàu-kín 夢中閣再會啦 bāng-tiong koh-tsài-huē--lah
仝款的天燈 kāng-khuán ê thinn-ting 無仝的心情 bô-kāng ê sim-tsiânn 你寫的字 lí siá ê jī 變成風中歌聲 piàn-sîng hong-tiong kua-siann 仝款的眠床 kāng-khuán ê bîn-tshn̂g 做無仝的夢 tsuè bô-kāng ê bāng 無要緊 bô-iàu-kín 夢中閣再會啦 bāng-tiong koh-tsài-huē--lah
- 感謝 W.B. Chen 修正歌詞
- 友站連結: W.B. Chen
|