- 歌詞
- 專輯列表
黃昺翔
-
活力海口
作詞:林珊琪 作曲:黃昺翔
想起細漢的時候 我在這放牛吃草 熱天牽牛到大窟 牛在浸水咱玩水
田邊 河邊 路邊 海邊 我在農村的海口 吹風
村內牽罟鬥幫忙 有得加菜兼有賺 熱天分區來抓魚 冬天海沙焢蕃薯
春天 夏天 秋天 冬天 我在海岸的海口 吹風
天還沒亮 砂馬仔 木麻樹 對著日頭逗陣喘氣 日復一日 咱手牽手心連心 維護海口的美麗
風吹到大海的入口 互相扶持來過好日 四府王爺漂洋過海 是為著保庇海口人健康
深深的感情傳後代 讓緣份牽到海口來 新居舊厝攏是好厝邊 活力海口是團結的未來
先民開墾的奮鬥 是為後輩在辛苦 沙土一步一腳印 開啟海口的生命
男人 女人 老人 子兒 我在成長的海口 吹風
千古不變的夕陽 少了燒灶飯菜香 溼地旁邊起煙囪 再加幾支大電風
希望 願望 失望 絕望 我在建設的海口 吹風
天色漸暗 風吹沙 海浪聲 隨日落等待天明 日復一日 守望相助日夜巡 守護社區的平靜
風吹到大海的入口 人才聚集的好地理 媽祖娘娘指引光明 是為著庇佑海口人平安
深深的感情傳後代 先人的智慧留下來 新居舊厝攏是好厝邊 活力海口是光明的未來
------------------------------------------
14134/《活力海口》Ua̍h-li̍k Hái-kháu 黃昺翔N̂g Píng-siông
想起細漢的時陣 siūnn-khí sè-hàn ê sî-tsūn 我佇遮放牛食草 guá tī tsia pàng gû tsia̍h tsháu 熱天牽牛到大窟 jua̍h-thinn khan-gû kàu tuā-khut 牛咧浸水咱耍水 gû teh tsìm-tsuí lán sńg-tsuí 田邊河邊 tshân-pinn hô-pinn 路邊海邊 lōo-pinn hái-pinn 我佇農村的海口吹風 guá tī lông-tshun ê hái-kháu tshue-hong
村內牽罟鬥幫忙 tshun-lāi khan-koo tàu pang-bâng 有得加菜兼有趁 ū tit ka-tshài kiam ū thàn 熱天分區來掠魚 jua̍h-thinn hun-khu lâi lia̍h-hî 冬天海沙炕番薯 tang-thinn hái-sua khòng han-tsî 春天夏天 tshun-thinn hā-thinn 秋天冬天 tshiu-thinn tang-thinn 我佇海岸的海口吹風 guá tī hái-huānn ê hái-kháu tshue-hong
天猶未光 thinn iáu-buē kng 砂馬仔木麻樹 sua-bé-á bo̍k-muâ-tshiū 綴著日頭 tuè tio̍h ji̍t-thâu 鬥陣喘氣 tàu-tīn tshuán-khuì 日復一日 ji̍t ho̍k tsi̍t-ji̍t 咱手牽手 更多更詳盡歌詞 在 ※ Mojim.com 魔鏡歌詞網 lán tshiú khan-tshiú 心連心 sim liân-sim 維護海口的美麗 uî-hōo hái-kháu ê bí-lē
風吹到大海的入口 hong tshue kàu tuā-hái ê ji̍p-kháu 互相扶持 hōo-siong hû-tshî 來過好日 lâi kuè hó-ji̍t 四府王爺 Sì-hú Ông-iâ 漂洋過海 phiau-iông kuè-hái 是為著 sī uī-tio̍h 保庇海口人健康 pó-pì hái-kháu-lâng kiān-khong
深深的感情 tshim-tshim ê kám-tsîng 傳後代 thuân āu-tāi 讓緣份牽到海口來 jiāng iân-hūn khan kàu hái-kháu lâi 新居舊厝 sin-ki kū-tshù 攏是好厝邊 lóng-sī hó tshù-pinn 活力海口 ua̍h-li̍k hái-kháu 是團結的未來 sī thuân-kiat ê bī-lâi
先民開墾的奮鬥 sian-bîn khai-khún ê hùn-tàu 是為後輩咧辛苦 sī uī āu-puè teh sin-khóo 沙塗一步一跤印 sua-thôo tsi̍t-pōo tsi̍t kha-ìn 開啟海口的性命 khai-khé hái-kháu ê sènn-miā 男人女人 lâm-jîn lú-jîn 老人囝兒 lāu-jîn kiánn-jî 我佇成長的海口吹風 guá tī sîng-tióng ê hái-kháu tshue-hong
千古不變的夕陽 tshian-kóo put-piàn ê si̍k-iông 減了燃灶飯菜芳 kiám liáu hiânn-tsàu pn̄g-tshài phang 溼地邊仔咧起煙筒 sip-tē pinn--á teh khí ian-tâng 再加幾支大電風 tsài ka kuí ki tuā tiān-hong 希望願望 hi-bāng guān-bāng 失望絕望 sit-bōng tsua̍t-bāng 我佇建設的海口吹風 guá tī kiàn-siat ê hái-kháu tshue-hong
天色漸暗 thinn-sik tsiām àm 風飛沙 hong-pue-sua 海湧聲 hái-íng siann 隨日落等待天明 suî ji̍t-lo̍h tán-thāi thian bîng 日復一日 ji̍t ho̍k tsi̍t-ji̍t 守望相助日夜巡 siú-bōng siong-tsōo ji̍t-iā sûn 守護社區的平靜 siú-hōo siā-khu ê pîng-tsīng
風吹到大海的入口 hong tshue kàu tuā-hái ê ji̍p-kháu 人才聚集的好地理 jîn-tsâi tsū-tsi̍p ê hó tē-lí 媽祖娘娘 Má-tsóo Niû-niû 指引光明 tsí-ín kong-bîng 是為著 sī uī-tio̍h 庇佑海口人平安 pì-iū hái-kháu-lâng pîng-an
深深的感情 tshim-tshim ê kám-tsîng 傳後代 thuân āu-tāi 先人的智慧 sian-jîn ê tì-huī 留落來 lâu--lo̍h-lâi 新居舊厝 sin-ki kū-tshù 攏是好厝邊 lóng-sī hó tshù-pinn 活力海口 ua̍h-li̍k hái-kháu 是光明的未來 sī kong-bîng ê bī-lâi
- 感謝 W.B. Chen 修正歌詞
- 友站連結: W.B. Chen
|