- 歌詞
- 專輯列表
- 歌手介紹
許富凱
-
疼憨人(& 蔡佳麟)
作詞:徐偉銘 作曲:高立碩
(許)細漢愛眠夢,讀冊攏輸人,大家攏笑我未來是欲安怎 孤單一個人親像船無港,忍受孤單 毋敢吼出聲,目屎流,驚因看 (蔡)出外十外冬,認真每一工,庄跤來的我有骨氣向前行 故鄉彼粒山永遠徛佇遐,毋知幾冬 親像我的意志永遠袂振動
(許)我一定欲成功,堅持行阮的路 生活踮這個世界,創造阮家已的將來 (蔡)啊~我一定欲成功,毋驚大風大雨 惦惦佇遮咧拍拼,我知影天公上疼憨人
(蔡)出外十外冬,認真每一工,庄跤來的我有骨氣向前行 (許)故鄉彼粒山永遠徛佇遐,毋知幾冬 親像我的意志永遠袂振動
(許)我一定欲成功(我一定欲成功),堅持行阮的路 生活踮這個世界,創造阮家已的將來 (蔡)啊~我一定欲成功(我一定欲成功),毋驚大風大雨 惦惦佇遮咧拍拼,我知影天公上疼憨人
(許)流汗拭乎乾(蔡)失敗哪算啥 (合)人生的運命攏愛家已擔,我會成功倒轉來,希望~
(合)我一定欲成功,堅持行阮的路,生活踮這個世界 (許)創造阮家已的將來(蔡)將來 (合)我一定欲成功,毋驚大風大雨 惦惦佇遮咧拍拼,我知影天公上疼憨人 我知影天公上疼憨人
------------------------------------------
《疼戇人》Thiànn Gōng-lâng 許富凱 Khóo Hù-khái 蔡佳麟 Tshuà Ka-lîn
細漢愛眠夢 sè-hàn ài bîn-bāng 讀冊攏輸人 tha̍k-tsheh lóng su lâng 逐家攏笑我 ta̍k-ke lóng tshiò guá 未來是欲按怎 bī-lâi sī beh án-tsuánn 孤單一個人 koo-tuann tsi̍t-ê-lâng 親像船無港 tshin-tshiūnn tsûn bô káng 忍受孤單 jím-siū koo-tuann 毋敢吼出聲 m̄-kánn háu tshut-siann 目屎流 ba̍k-sái lâu 驚怹看 kiann in khuànn
出外十外冬 tshut-guā tsa̍p-guā tang 認真每一工 jīn-tsin muí tsi̍t kang 莊跤來的我 tsng-kha lâi ê guá 有骨氣向前行 ū kut-khì hiòng-tsiân kiânn 更多更詳盡歌詞 在 ※ Mojim.com 魔鏡歌詞網 故鄉彼粒山 kòo-hiong hit lia̍p suann 永遠徛佇遐 íng-uán khiā tī hia 毋知幾冬 m̄-tsai kuí tang 親像我的意志 tshin-tshiūnn guá ê ì-tsì 永遠袂振動 íng-uán buē tín-tāng
我一定欲成功 guá it-tīng beh sîng-kong 堅持行阮的路 kian-tshî kiânn gún ê lōo 生活踮這個世界 sing-ua̍h tiàm tsit ê sè-kài 創造阮家己的將來 tshòng-tsō gún ka-kī ê tsiong-lâi 啊~我一定欲成功 ah~ guá it-tīng beh sîng-kong 毋驚大風大雨 m̄-kiann tuā-hong tuā-hōo 恬恬佇遮咧拍拚 tiām-tiām tī tsia teh phah-piànn 我知影 guá tsai-iánn 天公上疼戇人 thinn-kong siōng thiànn gōng-lâng ---
流汗拭予焦 lâu-kuānn tshit hōo ta 失敗哪算啥 sit-pāi ná sǹg siánn 人生的運命 jîn-sing ê ūn-miā 攏愛家己擔 lóng ài ka-kī tann 我會成功倒轉來 guá ē sîng-kong tò-tńg--lâi 希望 hi-bāng
我一定欲成功 guá it-tīng beh sîng-kong 堅持行阮的路 kian-tshî kiânn gún ê lōo 生活踮這個世界 sing-ua̍h tiàm tsit ê sè-kài 創造阮家己的將來 tshòng-tsō gún ka-kī ê tsiong-lâi 將來 tsiong-lâi 我一定欲成功 guá it-tīng beh sîng-kong 毋驚大風大雨 m̄-kiann tuā-hong tuā-hōo 恬恬佇遮咧拍拚 tiām-tiām tī tsia teh phah-piànn 我知影 guá tsai-iánn 天公上疼戇人 thinn-kong siōng thiànn gōng-lâng
我知影 guá tsai-iánn 天公上疼戇人 thinn-kong siōng thiànn gōng-lâng
- 感謝 Kris 提供歌詞
- 感謝 Kris W.B. Chen 修正歌詞
- 友站連結: W.B. Chen
|