- 歌詞
- 專輯列表
文鳳文鶯
-
歡喜過新年
演唱:文鶯+黃三元合唱 作詞:葉俊麟 作曲:佚名
女:正月初一頭一日家家戶戶過新年 街頭巷尾鬧猜猜炮聲響連天 七格隆咚搶咚搶炮聲響連天
男:姑娘過年真歡喜穿著新鞋嘎新衫 全身打扮真美麗是袂叨位去 七格隆咚搶咚搶是袂叨位去
口白男:喂查某嬰啊妳上哪裡去 女:秋秋秋袂見笑 人嘎你啊無熟識袂去叨位那有你的代 男:嗯嘎奇怪明明妳嘎我是同學那會無熟識
女:我的同學算袂了男朋友嘛有歸千 請你嘸通黑白認我袂去拜年 七格隆咚搶咚搶我袂去拜年
男:雖然拜年真要緊嘸過時間真寶貴 我有汽車在那邊願意送妳去 七格隆咚搶咚搶願意送妳去 口白男:查某嬰啊好不好 女:嗯甘好勢 男:啊無要緊嘛 女:看伊的人真英俊態度又擱真溫純 出門自己有汽車實在太大扮 七格隆咚搶咚搶實在太大扮
合:新年相逢好頭彩姻緣也是天安排 一見鍾情做朋友歡喜過新年 七格隆咚搶咚搶歡喜過新年 七格隆咚搶咚搶歡喜過新年
------------------------------------------
《歡喜過新年》Huann-hí Kuè Sin-nî 文鶯Bûn-ing 黃三元N̂g Sam-guân
女) 正月初一頭一日 tsiann-ge̍h tshue-it thâu tsi̍t-ji̍t 家家戶戶過新年 ke-ke-hōo-hōo kè sin-nî 街頭巷尾鬧啋啋 ke-thâu hāng-bué nāu-tshái-tshái 炮聲響連天 phàu-siann hiáng liân-thinn 拭閣挵鐺唱鐺唱 tshit-koh-lòng-tong-tshiàng-tong-tshiàng 炮聲響連天 phàu-siann hiáng liân-thinn
男) 姑娘過年真歡喜 koo-niû kè-nî tsin huann-hí 穿著新鞋佮新衫 tshīng tio̍h sin-ê kah sin-sann 全身打扮真美麗 tsuân-sin tánn-pān tsin bí-lē 是欲佗位去 sī beh tó-uī khì 拭閣挵鐺唱鐺唱 tshit-koh-lòng-tong-tshiàng-tong-tshiàng 是欲佗位去 sī beh tó-uī khì
↓↓---(口白)---↓↓ 男) 欸!查某囡仔 eh! tsa-bóo-gín-á 妳上哪裡去 nǐ shàng nálǐ qù 女) 羞羞羞 tshiu tshiu tshiu 袂見笑 bē-kiàn-siàu 人佮你曷無熟似 lâng kah lí a̍h bô si̍k-sāi 欲去佗位 更多更詳盡歌詞 在 ※ Mojim.com 魔鏡歌詞網 beh khì tó-uī 哪有你的代 ná ū lí ê tāi 男) 嗯~敢奇怪 ngh~ kánn kî-kuài 明明你佮我是同學 bîng-bîng lí kah guá sī tông-o̍h 哪會無熟似 ná ē bô si̍k-sāi ↑↑---(口白)---↑↑
女) 我的同學算袂了 guá ê tông-o̍h sǹg buē liáu 男朋友嘛有規千 lâm-pîng-iú mā ū kui-tshing 請你毋通烏白認 tshiánn lí m̄-thang oo-pe̍h jīn 我欲去拜年 guá beh khì pài-nî 拭閣挵鐺唱鐺唱 tshit-koh-lòng-tong-tshiàng-tong-tshiàng 我欲去拜年 guá beh khì pài-nî
男) 雖然拜年真要緊 sui-jiân pài-nî tsin iàu-kín 毋過時間真寶貴 m̄-koh sî-kan tsin pó-kuì 我有汽車在那邊 guá ū khì-tshia tsāi nàbiān 願意送你去 guān-ì sàng lí khì 拭閣挵鐺唱鐺唱 tshit-koh-lòng-tong-tshiàng-tong-tshiàng 願意送你去 guān-ì sàng lí khì
↓↓---(口白)---↓↓ 男) 查某囡仔 tsa-bóo-gín-á 好不好 hǎu bù hǎu 女) 嗯~敢好勢 ngh~ kám hó-sè 男) 啊~無要緊嘛 ah~ bô-iàu-kín--mah ↑↑---(口白)---↑↑
女) 看伊的人真英俊 khuànn i ê lâng tsin ing-tsùn 態度又閣真溫馴 thāi-tōo iū-koh tsin un-sûn 出門家己有汽車 tshut-mn̂g ka-kī ū khì-tshia 實在太大範 si̍t-tsāi thài tuā-pān 拭閣挵鐺唱鐺唱 tshit-koh-lòng-tong-tshiàng-tong-tshiàng 實在太大範 si̍t-tsāi thài tuā-pān
合) 新年相逢好頭彩 sin-nî siong-hông hó thâu-tshái 姻緣也是天安排 in-iân iā-sī thinn an-pâi 一見鍾情做朋友 it-kiàn tsiong-tsîng tsuè pîng-iú 歡喜過新年 huann-hí kè sin-nî 拭閣挵鐺唱鐺唱 tshit-koh-lòng-tong-tshiàng-tong-tshiàng 歡喜過新年 huann-hí kè sin-nî 拭閣挵鐺唱鐺唱 tshit-koh-lòng-tong-tshiàng-tong-tshiàng 歡喜過新年 huann-hí kè sin-nî
- 感謝 8836 提供歌詞
- 感謝 W.B. Chen 修正歌詞
- 友站連結: W.B. Chen
|