- 專輯介紹
- 歌詞
- 專輯列表
- 歌手介紹
陳小霞
-
有時候日子過到驚
作詞:吳念真 作曲:陳小霞 編曲:司徒松
自小欣羨惦都市 如今全然知滋味 日時上班等下班 若到月初等領錢 工作攏是人安排 前途是啥我不知
黃昏五點鐘醒起 嘴說歡喜心稀微 別人成雙擱成對 你在選人人選你 長夜漫漫無地去 唯一伴你是電視 更多更詳盡歌詞 在 ※ Mojim.com 魔鏡歌詞網
*有時候日子過到驚 不願青春無人疼 朋友相約來作伴 相取喝酒唱酒歌 誰知悲歌唱袂煞 越喝越唱越孤單
#都市若像天羅網 一旦踏入走抹動 當初意向自己選 無怨命運無怨人 只是看破虛榮夢 才知幸福是平凡
[口白]人講台灣錢是淹腳目 只要肯做牛就有犁倘乎拖 不過我透早做到半暝半 卡賺嘛是賺無一間厝來住
(銷售員)小姐這個房子真的好啦 北二高捷運系統高速公路通通有經過耶 如果你要買 我阿沙力六百萬就好啦
[口白]現在社會人情是薄如紙 你若歸片厝人就叫你大哥大 股票若起價心肝真快活 若是遇到落價你就腳手皮皮挫
Repaet *,#
有時候日子過到驚 有時候日子過到驚 有時候日子過到驚 有時候日子過到驚
-----------------------------------------
幸福是什麼? 又是見人見智的哲學思考問題 ... 平平凡凡或許平淡,鬧得滿城風雲,又有什麼呢??? ... ... 朝九晚五的規律生活? 漂浮不定的東奔西跑? 怎麼樣的生活,是你的選擇呢???
------------------------------------------
《有時日子過甲驚》Ū-sî Ji̍t-tsí Kuè Kah Kiann 陳小霞 Tân Sió-hâ
自細欣羨踮都市 tsū-suè him-siān tiàm too-tshī 如今全然知滋味 jû-kim tsuân-jiân tsai tsu-bī 日時上班等下班 ji̍t--sî siōng-pan tán hā-pan 若到月初等領錢 nā kàu gue̍h-tshue tán niá-tsînn 工課攏是人安排 khang-khuè lóng-sī lâng an-pâi 前途是啥 tsiân-tôo sī siánn 我毋知 guá m̄-tsai
黃昏五點鐘聲起 hông-hun gōo-tiám tsing-siann--khí 喙講歡喜心稀微 tshuì kóng huann-hí sim hi-bî 別人成雙閣成對 pa̍t-lâng sîng-siang koh sîng-tuì 你咧揀人人揀你 lí leh kíng lâng, lâng kíng lí 長夜漫漫無地去 tn̂g-iā bān-bān bô-tè khì 唯一伴你是電視 uî-it phuānn lí sī tiān-sī
有時日子過甲驚 ū-sî ji̍t-tsí kuè kah kiann 毋願青春無人疼 m̄-guān tshing-tshun bô-lâng thiànn 朋友相招來做伴 pîng-iú sio-tsio lâi tsuè-phuānn 相𤆬啉酒唱酒歌 sio-tshuā lim-tsiú tshiùnn tsiú-kua 誰知悲歌唱袂煞 siáng tsai pi-kua tshiùnn buē suah 愈啉愈唱愈孤單 jú lim jú tshiùnn jú koo-tuann
都市若像天羅網 too-tshī ná-tshiūnn thian-lô bāng 一旦踏入走袂動 it-tàn ta̍p-ji̍p tsáu buē tāng 當初意想自己選 tong-tshoo ì-sióng tsū-kí suán 無怨命運無怨人 bô uàn miā-ūn bô uàn lâng 只是看破虛榮夢 tsí-sī khuànn-phuà hi-îng bāng 才知幸福是平凡 tsiah tsai hīng-hok sī pîng-huân
↓-----(RAP)-----↓ 人講臺灣錢是淹跤目 lâng kóng Tâi-uân tsînn sī im kha-ba̍k 只要肯做牛 tsí-iàu khíng tsò gû 就有犁通好拖 tiō ū lê thang-hó thua 毋過我透早做到半暝半 m̄-koh guá thàu-tsá tsò kàu puànn-mî-puànn 較趁嘛是趁無一間厝來蹛 khah thàn mā sī thàn bô tsi̍t-king tshù lâi tuà
↓-----(口白)-----↓ 小姐這個房子xiǎotsiě zhège fángzi 真的好啦zhēnde hǎo la 北二高běièrgāo 捷運系統jiéyùnxìtǒng 高速公路gāosùgōnglù 通通有經過呢tōngtōng yǒu jīngguò ne 如果你要買乎rúguǒ nǐ yào mǎi--honnh 我阿沙力六百萬 guá a-sá-lih la̍k-pah-bān 就好啦 jiùhǎo la ↑-----(口白)-----↑
現在社會 hiān-tsāi siā-huē 人情是薄敢若紙 jîn-tsîng sī po̍h kánn-ná tsuá 你若規片厝 lí nā kui-phìnn tshù 人就叫你大哥大 lâng tiō kiò lí dàkēdà 股票若起價 kóo-phiò nā khí-kè 心肝真快活 sim-kuann tsin khuìnn-ua̍h 若是拄著落價 nā-sī tú-tio̍h lo̍h-kè 你就跤手咇咇掣 lí tiō kha-tshiú phi̍h-phi̍h-tshuah ↑-----(RAP)-----↑
有時日子過甲驚 ū-sî ji̍t-tsí kuè kah kiann 毋願青春無人疼 m̄-guān tshing-tshun bô-lâng thiànn 朋友相招來做伴 pîng-iú sio-tsio lâi tsuè-phuānn 相𤆬啉酒唱酒歌 sio-tshuā lim-tsiú tshiùnn tsiú-kua 誰知悲歌唱袂煞 siáng tsai pi-kua tshiùnn buē suah 愈啉愈唱愈孤單 jú lim jú tshiùnn jú koo-tuann
都市若像天羅網 too-tshī ná-tshiūnn thian-lô bāng 一旦踏入走袂動 it-tàn ta̍p-ji̍p tsáu buē tāng 當初意想自己選 tong-tshoo ì-sióng tsū-kí suán 無怨命運無怨人 bô uàn miā-ūn bô uàn lâng 只是看破虛榮夢 tsí-sī khuànn-phuà hi-îng bāng 才知幸福是平凡 tsiah tsai hīng-hok sī pîng-huân
有時日子過甲驚 ū-sî ji̍t-tsí kuè kah kiann 有時日子過甲驚 ū-sî ji̍t-tsí kuè kah kiann 有時日子過甲驚 ū-sî ji̍t-tsí kuè kah kiann 有時日子過甲驚 ū-sî ji̍t-tsí kuè kah kiann
- 感謝 W.B. Chen 修正歌詞
- 友站連結: W.B. Chen
|