- 歌詞
- 專輯列表
- 歌手介紹
張清芳
-
愛阮啥原因
作詞:吳旭文 作曲:吳旭文
嘸知你是愛阮啥原因 看著阮 嘴笑目笑 話講末清 平常時 頭殼碇碇 無啥反應 就親像無頭神 聽到阮腳步聲 你就跳恰恰 心末平靜 人講感情靠緣份 偏偏哪 講著算命 阮就愛睏 雖然阮 嘸是寶貝 千金小姐 父母嘛真痛疼 哪提起將來 心內就燒滾滾 睏末安穩 嘸知你是愛阮啥原因 你講嘛講末明 只有叫阮慢慢鑑定 鑑定你是真打拚 擱嘸是頭暈暈 欲永遠疼阮疼乎入心 到底是愛阮啥原因 你講嘛講末明 只有講時間會證明 證明你單純個性 擱對愛這(足)認真 這世間找無別人是這感心 塊對待阮 無啥原因
------------------------------------------
10985/《愛阮啥原因》Ài Gún Siánn Guân-in 張清芳Tiunn Tshing-hong
毋知你 m̄-tsai lí 是愛阮啥原因 sī ài gún siánn guân-in 看著阮 khuànn-tio̍h gún 喙笑目笑 tshuì-tshiò-ba̍k-tshiò 話講袂清 uē kóng buē-tshing 平常時 pîng-siông-sî 頭殼𠕇𠕇 thâu-khak tīng-tīng 無啥反應 bô siánn huán-ìng 就親像無頭神 tiō tshin-tshiūnn bô-thâu-sîn 聽著阮跤步聲 thiann-tio̍h gún kha-pōo siann 你就跳赤赤 lí tiō thiàu tshiah-tshiah 心袂平靜 sim buē pîng-tsīng 更多更詳盡歌詞 在 ※ Mojim.com 魔鏡歌詞網
人講感情靠緣份 lâng kóng kám-tsîng khò iân-hūn 偏偏啊 phian-phian--ah 講著算命 kóng-tio̍h sǹg-miā 阮就愛睏 gún tiō ài-khùn 雖然阮 sui-jiân gún 毋是寶貝千金小姐 m̄-sī pó-puè tshian-kim sió-tsiá 爸母嘛真痛疼 pē-bú mā tsin thàng-thiànn 若提起將來 nā thê-khí tsiong-lâi 心肝就燒滾滾 sim-kuann tiō sio-kún-kún 睏袂安穩 khùn buē an-ún
毋知你是愛阮啥原因 m̄-tsai lí sī ài gún siánn guân-in 你講嘛講袂明 lí kóng mā kóng buē-bîng 只有叫阮慢慢鑑定 tsí-ū kiò gún bān-bān kàm-tīng 鑑定你是真拍拚 kàm-tīng lí sī tsin phah-piànn 閣毋是頭眩眩 koh m̄-sī thâu hîn-hîn 欲永遠疼阮 beh íng-uán thiànn gún 疼予入心 thiànn hōo ji̍p-sim
到底是愛阮啥原因 tàu-té sī ài gún siánn guân-in 你講嘛講袂明 lí kóng mā kóng buē-bîng 只有講時間會證明 tsí-ū kóng sî-kan ē tsìng-bîng 證明你單純個性 tsìng-bîng lí tan-sûn kò-sìng 閣對愛遮認真 koh tuì ài tsiah jīn-tsin 這世間 tse sè-kan 揣無別人 tshuē-bô pa̍t-lâng 是遮感心咧對待阮 sī tsiah kám-sim teh tuì-thāi gún 無啥原因 bô siánn guân-in
- 感謝 W.B. Chen 修正歌詞
- 友站連結: W.B. Chen
|